ABOUT ME

Hello!

Ka min cu Zai Tha Par Sakhong a si. Tam deuh nih Nuzai tiin an ka auh. April. 09.1996 ah Leitak khua ah ka chuak. Norway ram Egersund khua ah chungkhar tling in khua a sami ka si. Kum 2017 ah Denmark ram Mariager ah Bible sianginn Theology kai dingin ka thawh i, a tu hi Denmark ram ah fimnak a cawng lio mi kasi.

Ka zuammi lakah aa telmi cu cattial hi asi. Cattial nak cauk cu tam tak ka ngei, cattial nak cauk ka hmuh cun cawk lo in ka um kho lo. Cu ruang ah hi blogg zong hi ka ser nak asi. ka zuammi hi a tam ngai Hmanthlak, Tlangkai, Makeup, thiltah, design, rawlchuan, Thilthar hmuh, cun hawikom he um ti ka uar. Zuam lakah ka zuam bikmi cu Pathian thangthat hi a si. Pathian bia i ruah, pakhat le pakhat forhfial i pek.

Micheu nih na dai tuk an ka ti, micheu nih na holh kho ngai an ka ti. Kaa fiang ve lo. Ka lungsau. Ka zia a ttha. Minih na capo tuk an ka ti i a tu tiang cu kaa zumh rih lo. Ka capo pah ko rua. Hawikom ngeih ka foih aruang cu hawi ka duh.

Hmailei ka saduhthah cu Pathian riantuan asi. Pathian nih a kan dawtnak hi khuaza ramkip ah auhpi ka duh. Ka thinglung a ka kangh bikmi cu micaah siaherh nak ka ngeih bangtuk in Midang caah thathnemh santlai mi si khawh ka duh.

Rak ka leng peng uh tiah kan sawm hna. Subscribed le Follow khawh zong ka si fawn.

Lunglawmhnak tampi he: Nu Zai